بسم الله الرحمن الرحيم
السلام عليكم
صباح / مساء الخير
اليوم جايب لكم قصيده اعجبتني مررررررررره
وقلت اخليكم تستمتعون بها
وياليت تغوصون في اعماق هذه القصيده
وما اطول عليكم واترككم معها
قصيدة : سحابة شوق
الشاعر : عبدالعزيز بن جودان
ياسحابه أمطري شوق وحنيـن
فوق قلبي لين يروى من ضماه
بالحنان ارجوك ليتك تمطريـن
نزلي عطفك عليه مـن سمـاه
مات قلبي وانتي اللي تقدريـن
تنعشينـه ليـن يرجـع للحيـاه
والله ان الهم في قلب الحزيـن
بانيلـه بيـت ومسـوي سـواه
ارحمي مادام بيـدك ترحميـن
لاتخليـن المعنـا فـي عـنـاه
اطلبك حاجه وشوفـك ماتبيـن
ليه ماشفتي حبيبـك وش بـلاه
وليه قلبـك قاسـيٍ عيـا يليـن
نعنبو دارك حشـا منتـي فتـاه
طحت في حبك بعد طول السنين
كيف مدري بـس يالله النجـاه
انتي اللي تضحكيـن وتقتليـن
رمش عينك سهم والقوس الشفاه
بس لحظه قلتي انـك تعشقين
مستحيل العشق ينسا من نسـاه
لو عشقتي ماقعدتـي تجرحيـن
قلب عاشق حاول يترجم هـواه
قام لجلك يلعن ابليـس اللعيـن
ويزهم الهاجوس لين يقول هـاه
ويكتب ابياتـه لعلـك تفطنيـن
عاشقك يابنـت بيحتـي خفـاه
ومع اطيب تحيه .........
موضوع: ....... ســـحـــابــة شــــوق ....... 
الخميس أغسطس 09, 2007 5:56 am
